വീണ്ടും ആ അക്ഷരമുറ്റത്ത്

ബി ഇ എം എന്ന അക്ഷരമുറ്റത്തു നിന്ന്  യാത്രപറഞ്ഞിറങ്ങിയതാണ് ഒരു പതിറ്റാണ്ടു മുൻപ് , ചുമരിനോടും ബെഞ്ചിനോടും ഡെസ്‌കിനോടും ചോക്ക് പൊടിയിൽ നിറഞ്ഞു നിന്ന ടെസ്റ്ററിനോടും അക്ഷരങ്ങളുടെ കൂടെ ജീവിതം പഠിപ്പിച്ച അധ്യാപകരോടും എല്ലാത്തിലുമപരി വിശക്കുന്നവനെ കണ്ടറിഞ്ഞു മുൻപിലേക്ക്  ചോറ്റു പത്രം വെച്ച് നീട്ടുന്ന സൗഹൃദങ്ങളോടും . ജീവിതത്തിലെ അവിഭാജ്യമായ പടിയിറക്കം അനുഭവിച്ചറിഞ്ഞ കാലയളവിലെ  വർണ്ണാഭമായ സ്‌കൂൾ  ജീവിതം ആസ്വദിച്ചു തീരാത്ത കാലഘട്ടം . 

പാലക്കാട് പട്ടണത്തിലെ വിവിധ കോണുകളിൽ പലരും തിരക്കിലായി , പിനീട് വഴിവക്കിൽ കാണുന്ന വിരളമായ ചില മുഖങ്ങൾ പറഞ്ഞു തീരാത്ത വിശേഷങ്ങൾ കൊണ്ട് വീണ്ടും തിരക്കിലേക്ക് വണ്ടി ചവിട്ടുന്ന പ്രിയ സൗഹൃദങ്ങൾ . 

അറിവിന്റെ വെളിച്ചം പകർന്നു തന്ന പ്രിയ  അധ്യാപകരിൽ പലരും പടിയിറങ്ങി പ്രിയപ്പെട്ട ചില  അധ്യാപകർ ഇന്നും ആ അക്ഷരമുറ്റത്തുണ്ട് . ഞങ്ങൾക്ക് കാണണമായിരുന്നു അവരെ ആ ബെഞ്ചിൽ ഇരുന്നു കൊണ്ട് തന്നെ  അതെ ക്‌ളാസ്സിലെ വിദ്യാർത്ഥികൾക്കായി തന്നെ . 

 കഴിഞ്ഞ വർഷങ്ങളായി അതിനുള്ള തയ്യാറെടുപ്പിലായിരുന്നു . പൗലോ കൊയലോയുടെ വാക്കുകളിൽ പറഞ്ഞാൽ  

"എന്തെങ്കിലും നേടിയെടുക്കണമെന്ന് ഒരാൾ പൂർണ്ണമനസോടെ ആഗ്രഹിച്ചാൽ ആ ആഗ്രഹം നിറവേറ്റാൻ പ്രപഞ്ചം അവന്റെ കൂടെ നിൽക്കും ' 

അതെ , ഞങ്ങളുടെ ആഗ്രഹം പൂർണ്ണമനസോടെ ആത്മാർത്ഥതയോടെയായിരുന്നു . അതുകൊണ്ടാവണം അറ്റുപോയ ചങ്ങലകൾ പ്രയാസപ്പെട്ടായാലും  കോർത്തിണക്കാൻ ക്ഷമയോടെ ഞങ്ങൾ കാത്തിരുന്നത് . 

കൃത്യമായ നിർദേശങ്ങളോട് കൂടി ഏകോപനം നടത്തി ഒരു പതിറ്റാണ്ട് മുൻപിൽ നഷ്ട്ടപ്പെട്ട ആ ക്‌ളാസ് മുറിയിലേക്ക് ഞങ്ങൾ ചുവടുവെക്കാൻ തീരുമാനിച്ചു ." യാദെയ്ൻ - 2019  " എന്ന പേരിൽ പത്താംതരം ഇ ഡിവിഷന്റെ റീയൂണിയനിലേക്കു ഞാൻ ചെയർമാനായും പ്രിയപ്പെട്ട ഗണേഷ് ജനറൽ കൺവീനറായും സംഘാടക സമിതി രൂപീകരിച്ചു ചിട്ടയായ പ്രവർത്തനത്തിലൂടെ മുന്നിട്ടിറങ്ങി . 

സ്‌കൂളിലെ ജിസ്സി ടീച്ചർ , ജെസ്സി ടീച്ചർ എന്നിവരുടെ വാക്കുകൾ ഞങ്ങളിൽ പ്രതീക്ഷയൊരുക്കി ആ ആഗ്രഹം നിറവേറാൻ പ്രപഞ്ച നാഥന്റെ പരിപൂർണ്ണ പിന്തുണ ഓരോ ഘട്ടത്തിലും ഞങ്ങൾ അനുഭവിച്ചറിഞ്ഞു..

 .2019 ആഗസ്ത് 03 നു ഞങ്ങൾ ഒത്തുകൂടി . ഒരു പതിറ്റാണ്ടിനു ശേഷം ആ മുഖങ്ങൾ കാണുമ്പോൾ പലപ്പോഴും പലരുടെയും കണ്ണിൽ കൗതുകം മാത്രം സംസാരിക്കാൻ അന്താളിച്ചു നിന്ന കുറെ നിമിഷങ്ങൾ വാക്കുകൾ പോലും അപ്രസക്തമായ നിമിഷങ്ങൾ ഈ നിർവൃതി എങ്ങെനെ വിവരിക്കണമെന്നു ഇപ്പോഴും അറിയുന്നില്ല .

പഠിച്ചിറങ്ങിയ മുഴുവൻ ക്‌ളാസ് മുറികളും ഞങ്ങൾ ഒന്നിച്ചു നടന്നു കണ്ടു .

പ്രായത്തെ കാറ്റിൽ പറത്തി ആ വരാന്തയിലൂടെ നടന്നു നീങ്ങി 

പരവതാനിവിരിച്ച സ്‌കൂൾ വരാന്തയിലൂടെ ഞങ്ങളുടെ അധ്യാപകർ ഞങ്ങളുടെ ക്ഷണം സ്വീകരിച്ചെത്തി 

അതെ ക്‌ളാസിൽ അതെ ബെഞ്ചിൽ ഞങ്ങൾ ആ വിദ്യാർത്ഥികൾക്കായി തന്നെയിരുന്നു .

അധ്യാപകർ ഞങ്ങൾക്ക് നൽകിയ അറിവുകളെയും ജീവിതവിജയത്തിന് അന്നേ നൽകിയ ഉപദേശങ്ങളെയും ഞങ്ങൾ സ്മരണയുടെ അവർക്കു മുന്നിൽ വിവരിച്ചു . 

ഓർമ്മകൾ കൊണ്ട് നിറഞ്ഞു നിന്ന ആ ക്‌ളാസ് മുറി , 

ഒന്നിച്ചു കേക്ക് മുറിച്ചും , ഒന്നിച്ചു ഭക്ഷണം കഴിച്ചും അധ്യാപകർ ഞങ്ങളുടെ കൂടെയിരുന്നു . എല്ലാവരുടെയും വിശേഷങ്ങളും കേട്ടു , ജീവിത വിജയത്തിന് വീണ്ടും വീണ്ടും ഉത്തേജനം നൽകിയ വാക്കുകൾ വാക്കുകളിലെ പോസിറ്റീവ്  നൽകിയ മനോബലം ഞങ്ങൾ നഷ്ടപ്പെടാതെ നോക്കും മുന്നോട്ടു പോകും തളരാതെ തന്നെ .

പറഞ്ഞു തീരാത്ത വിശേഷങ്ങളും കണ്ട് കഴിയാത്ത മുഖങ്ങളും കരഞ്ഞു  കലങ്ങിയ കണ്ണുകൾ കൊണ്ട് വീണ്ടും  യാത്രപറഞ്ഞിറങ്ങുമ്പോൾ ഞങ്ങൾ പരസപരം പറഞ്ഞു ഇനിയും ഇതുപോലെ നമ്മൾ കാണും . 

നന്ദി ടീച്ചേർസ് ഞങ്ങളെ മറക്കാതിരുന്നതിനു 
 , ഞങ്ങളുടെ ക്ഷണം സ്വീകരിച്ചതിനു , ഞങ്ങളെ പ്രതിസന്ധികൾ മറികടക്കാൻ പഠിപ്പിച്ചതിനു ഞങ്ങളെ വിജയിക്കാൻ പഠിപ്പിച്ചതിനു . എല്ലാത്തിലുമുപരി ഞങ്ങളെ സഹജീവിയെ സ്നേഹിക്കുന്ന മനുഷ്യനാക്കിയതിനു .

#BemHss #Reunion #yadein2019 #Palakkad

പ്രിയ അധ്യാപകർ കേക്ക് മുറിച് മധുരം പങ്കുവെക്കുന്നു

അലങ്കരിച്ച സ്‌കൂൾ വരാന്ത

പഠിച്ചിറങ്ങിയ ക്‌ളാസ് മുറികൾ നടന്നു കാണുന്നു

അധ്യക്ഷപ്രസംഗത്തിൽ നിന്ന്‌

പ്രിയപ്പെട്ട സുഹൃത്തുക്കളോടൊപ്പം

ക്‌ളാസ് മുറിയിൽ

പ്രിയപ്പെട്ട ഗണേഷിന്റെ സെൽഫിയിൽ